傷．歌

每個人都會有d歌聽完之後就會諗番起某一種傷痛或者會崩潰,就好似失戀咁,
嗰陣痛真係痛得入心入肺,亦因為咁,本來一個唔係好重嘅傷口就到而家都仲未癒合,
到而家都仲未結疤............真係好痛
每次聽到嗰隻歌就好想避,唔想再聽,只因嗰種痛真係椎心刺骨
令到就結疤嘅傷口再次裂開,再度灑鹽
無奈呢隻流行曲真係好hit,可謂係hit到爆.......可謂係無處不在
無論我去到邊,隻歌就會播到邊,好似喺何時何地都會聽到呢隻歌.......
最慘嘅就係隻歌由一月開始hit,到而家都仲未hit完........
佢播咁耐,我就痛足咁耐.......
究竟幾時先會唔播,幾時先完?
真係好想唔好再聽到........唔好再播.....="=