親疏

我都好耐冇寫吓blog喇,係因為真係冇咩好寫...

自從喺grad din之後,我就開始冇咩人生目標,個人比以前懶散咗好多,已經冇乜動力去做任何一件事...
喺屋企裡面已經發咗'毛'喇,仲有幾舊草菇喺我個頭上面,邊個有興趣可以摘咗佢煮餸啦......

今晚好乖咁陪媽媽嗰邊d屋企人去食buffet,為的是要見好耐冇見過的親戚,有d仲要係見完都唔知係邊個.....

雖然呢餐buffet係全數要爸爸比$$$(吓.....咁我去台北去買嘢咪冇$$$$!!!!O﹏。),再加上我係唔多鍾意'應酬'的......

不過都係算喇,如果今日唔見,到時自己想見都冇得見........

雖然佢哋話就話係親戚,但係佢哋俾我嘅感覺好陌生(除咗3舅父之外)
佢哋喺我有限嘅記憶當中冇出現過,但點知.........
原來喺我好細個嗰陣就見過面.......

場地: 喺3舅父嘅屋企裡面

時間: 十幾年前嘅新年

而家喺我模糊嘅記憶裡面諗返起我喺嗰度摘咗盤吉嘅吉仔嚟食.....食完之後覺得.......好酸="=

喺席間,我覺得雖然大家都係血濃於水嘅親戚,但係關係可以如此疏離,彷如與陌生人毫無分別......
但係,係咪真係因為親戚嘅緣故,所以關係再生疏極都好,都會有一種莫名其妙嘅親切感,呢種感覺總比陌生人來得更親.....

所以,親情呢樣嘢係好特別的,我諗係上天賜予人類的一種福份
有嘅,就請好好珍惜喇......

今次終於'的'起心肝報咗團去台北玩喇,仲有九日就飛喇......哈哈